Discos de Folk Tradicional
FUNDAMENTOS
LP, Editáu por Etnoson (2019)
Trátase d’un trabayu especial: un triple CD monográficu qu’espeya l’arte de l’asturianada transmitía por tradición oral y recoyía’n papeles y grabaciones ente 1870 y 1965. Los 75 rexistros d’esta obra recueyen –n’esencia– lo más vieyo y granible del cantu asturianu, con palos y variantes ordenaos por melodíes (según la clasificación de la tesis doctoral qu’Héctor robló na Universidad d’Uviéu).
Emplegando criterios hestóricos (estudiu de grabaciones clásques), instrumentos orixinales (gaites centenaries) y vieyos manuscritos con igües musicales, FUNDAMENTOS ye la gran antoloxía d’un repertoriu abondo abegosu y arcaicu y al empar un homenaxe a toos aquellos que caltuvieron –y caltienen– vivu esti xéneru.
L’asturianada declaróse Bien d’interés cultural en base a un trabayu d’investigación que fizo Héctor asoleyáu nel BOE N.º 144, de 17 de junio de 2015. La producción d’esta estraordinaria monografía fízose gracies a l’andecha d’un gran equipu de profesionales, músicos y coleccionistes, asina como al sofitu económicu brindáu pola Conseyería de Cultura del Principáu d’Asturies.
LA FONDA DE LOLA
LP, Editáu por Etnoson (2015)
Dempués de tres discos de pequeña tirada mui venceyaos al folclor y la música tradicional asturiana, LA FONDA DE LOLA ye una gran producción na qu’andecharon casi cincuenta músicos y artistes. A lo llargo de 13 temes hai una apoteósis de fusión étnica que toca palos como l’habanera, los bailles tradicionales o la ranchera mexicana nun mosaicu qu’amiesta lo más auténtico de la música asturiana con soníos de factura flamenca y llatinoamericana. Con un estilu propiu y tocando hasta 5 instrumentos (arpa, violín, zanfona, gaita y rabel), Héctor inclúi nesti discu collaboradores notables como Luis Delgado, Kepa Junkera, Orestes Barbachán, Ángel Ruiz, la Orquesta de Cámara de Siero y la Banda de Gaites Picos de Europa-DOP Cabrales.
MEMORIA FOLK 2004-2014
RECOPILATORIU, Autoeditáu (2014)
Álbum recopilatoriu dixital con 35 canciones, andeches y grabaciones en directu feches mentantu la década 2004-2014.
Folk acústicu tradicional con virtuosismu, lletres explícites y les auténtiques voces, arpas, rabeles, gaites y rabiles colos qu’Héctor percorrió’l mundu nesa dómina “analóxica”.
CAMINOS DEL MUNDU
LP, Editáu por ALGAMAR (2010)
Nel so tercer trabayu d’estudiu, Héctor amestó por primer vegada la so voz y instrumentos (harpa, rabil, gaita, vigulín, chelo), con músicos d’otres escenes como’l rock, folk, pop o jazz. Baxos, guitarres, bateríes y pianos arropen la inconfundible identidá asturiana qu’Héctor representa, y ufierta una innovadora propuesta de gran formatu folk cola so primer composición, CAMINOS DEL MUNDU, una asturianada con nueva lletra y melodía.
Un álbum qu’amiesta’l folk tradicional colos sonidos llétricos y el folk rock.
TRAD.YE
LP, Editáu por VASO MUSIC (2008)
El segundu discu d’Héctor Braga amuesa los conciertos individuales de folk tradicional, el so ampliu rexistru vocal y los instrumentos del so elencu. Con sabor acústicu remanez les asturianaes clásiques d’entamos del S.XX, actualiza romances d’orixe medieval, revive l’arte de cantar y tocar la gaita al empar, remana cantares heriedes del más pícaru Mester de Juglaría, recrea la xenuina lliteratura popular de cordel… Pero lloñe de quedase na música “de muséu” TRAD.YE ufierta novedaes artístiques a la tradición musical que fae y rodéase de selectes collaboraciones de les Bandines Tradicionales “Los Ciquitrinos” & “Principáu”, los músicos asturianos Pepín de Muñalén y Alberto Ablanedo, y l’andecha especial del músicu castellán Luis Delgado.
Trátase d’un discu aú hai más de 20 instrumentos populares y dellos xéneros tradicionales como’l romance, l’asturianada o los sones instrumentales.
ENCOPLANDO
LP, Editéu por FONOASTUR (2004)
La bandurria asturiana ye un tipu de rabel, con tres cuerdes, fechu d’una pieza maera y una piel animal de tapa armónica. La faceta de músicu carrilanu y bohemiu d’Héctor Braga yeren bien conocíes y ENCOPLANDO ye un trabayu 100% tradicional asoleyáu por iniciativa de Lisardo Lombardía, exdirector del Festival Interceltique de Lorient. Nelli axúntense, por primer vegada en grabación monográfica, hasta 17 temes del repertoriu tradicional d’esti vieyu instrumentu (ensin escaecer los aportes personales) too ello dende una intensa llabor de campu (fecha desde 1997) y de l’estudiu de grabaciones etnográfiques de los 70s y 80s.
Cuatro de les canciones grabáronse’n directu con una unidá móvil nel conciertu qu’Héctor ufiertó nel Museu Etnográficu del Oriente d’Asturies de Porrúa (Asturies) en xunetu de 2004. Na edición final quitáronse delles coples improvisaes que, bien pol so conteníu esplícitu o pola escomanada crítica política y social, consideráronse inapropiaes pal tonu divulgativu y etnográficu que pruyía la discográfica .
SOY CULPABLE
CENCIELLU, Autoeditáu (2020)
Cenciellu asoleyáu’n streaming y espardíu’n youtube. Ye parte d’una nueva serie de canciones en castellán grabaes en directu.
HASTA EL FINAL
CENCIELLU, Autoeditáu (2021)
Cenciellu asoleyáu’n streaming y espardíu’n youtube. Ye parte d’una nueva serie de canciones en castellán grabaes en directu.
TIERRA DE QUESU
BSO, Etnoson (2021)
Banda sonora orixinal fecha pala serie documental Tierra de Quesu, un road movie emitíu’n primetime de TPA al rodiu del mundiu gastronómicu y queseru d’Asturies.
Una producción de 8 temes instrumentales qu’amosen acústica y lletrónica.
EL TREN DE LA VIDA
CENCIELLU, Autoeditáu (2020)
Cenciellu asoleyáu’n streaming y espardíu’n youtube. Ye parte d’una nueva serie de canciones en castellán grabaes en directu.
LA NOTA MÁS ALTA
CENCIELLU, Autoeditáu (2020)
Cenciellu asoleyáu’n streaming y espardíu’n youtube. Ye parte d’una nueva serie de canciones en castellán grabaes en directu.
EL PÁJARO
CENCIELLU, Autoeditáu (2020)
Cenciellu asoleyáu’n streaming y espardíu’n youtube. Ye parte d’una nueva serie de canciones en castellán grabaes en directu.
PAMIRANDI
CENCIELLU, Autoeditáu (2020)
Sencillu asoleyáu’n streaming y espardíu’n youtube. Trátase d’un tema fechu n’andecha con Javier Blanco qu’amás cunta cola semeya de portada d’Héctor Cancio.
A MI MANERA
EP, Autoeditáu (2019)
Discu EP con 6 canciones habituales nos conciertos d’Héctor: dos creaciones propies revisitaes de trabayos anteriores (Caminos del mundu y La fonda de Lola), una tradicional irlandesa (Woman of Ireland), dos populares mexicanes (Mi chorro de voz y Malagueña salerosa) y el clásicu universal (My way) qu’entitula’l discu.
Tres de les canciones de A MI MANERA son en castellán y les otres tres na so llingua materna, l’asturiano. D’esa doble triloxía llingüística surdió la idega pala portada de Carlos Garna, quien ya robló trabayos anteriores como La nota más alta (2018) y La fonda de Lola (2015).
El discu grabóse nos estudios Satélite de Uviéu (Asturies) producíu por Rod Feijóo.
LA NOTA MÁS ALTA
EP, Autoeditáu (2018)
Discu EP aú Héctor presenta 4 canciones propies en castellán. Un nuevu xeitu pa quien percorrió tolos caminos y escenarios posibles gracies a las músiques tradicionales. Revistiendo la so voz col soníu folk acústicu de vigulín, gaita rabil y mandolina, LA NOTA MÁS ALTA grabóse’n directu nos estudios Satélite d’Uviéu (Asturies) nuna producción dirixida por Jorge Otero (Stormy Mondays), que cuntó cola asistencia téunica de Juanjo Zamorano y un diseñu y semeyes de Carlos Garna.
