Música en Rede, Alcuentru Profesional ye una iniciativa col envís d’afitar un puntu d’alcuentru profesional y comercial ente los axentes implicaos na industria musical, mostrando’l trabayu d’artistes del Principáu a dellos profesionales del seutor. Esti ye un proyectu de la Conseyería de Cultura, Política Llingüística y Deporte xestionáu pola Sociedá Pública de Xestión y Promoción Turística y Cultural del Principáu d’Asturies.
Ente los 14 artistes d’Asturies au’ufrirán parte’l so facer, voi tar amosando parte’l mio nuevo show RABIL. La información y el programa completu pue consultase na web musicaenrede.asturiesculturaenrede.es Les invitaciones pa les actuaciones tán disponibles na Recepción de la Llaboral, nel Centru d’Información Turística del Principáu d’Asturies (CITPA) n’Uviéu, nel Centru Niemeyer n’Avilés, nel teléfonu 952 076 262, n’unientradas.es y na web de la Muestra.
